القاتل.....خارج السجن....وحياه النبى ياشيخ ماتزعل ولا تقهر نفسك...خد الموضوع ببساطه ....انا عاوز اسالك سؤال طبيعى وعادى واقولك مين اللى قدم مبارك وعياله واصحابه بتهمه قتل المتظاهرين؟......دى قضيه مش ممكن يثبتوا فيها حاجه....سهل جدا الديب يجيب الف شاهد يقول انه كان فى السيده نفيسه وقتها بيفرق فول نابت على دراويش الميدان ....وكل قيادات الداخليه اللى بركوا على اراضى وسرقوا اثار وساهموا فى سرقه اثار وفشخوا الحلوه البهيه الاموره اللى اسمها مصر طبعا احنا مانعرفش غير مصر الجربوعه اللى شفناها طول ال30 سنه....كئيبه ومعفنه ومش بتستحمى ونكديه وحزينه وشعرها منكوش لكن مصر المحلوه الموزة دى محدش مننا شافها خالص....انا بقول كل القيادات دى محدش قتل حد فيهم طب مين اللى قدمهم للمحاكمه بتهمه التقصير الامنى ودخول عيال من حماس ومن اللى مش لابس لباس ومن المرسى ابو العباس وابو نواس آس آس آآآآآآآآآآآس....حد قدمهم للمحكمه بتهمه اهدار كرامه المصريين؟ طب حد قدم مبارك بتهمه تجريف روحنا وافساد اخلاقنا وتدمير التعليم والصحه والمجتمع خلاه كله ينط على بعضه وتلاقى الراجل بينط على بنته والبنت بتنط على اخوها والاخ بينط على دكر البط..........حد قال كده من الحكوكيين وبتوع السبوبه والتجعير والفازلين اللى على الشعر احنا دايما بنمسك فى النتيجه احنا شعب عنده ذاكره سمك وفيران عاوز الحبه الزرقا عشان يجيب من الاخر وممكن يكون مش عاوزها او ماتلزمهوش لكن سلوا بلدنا كده..........انا شخصيا ضد محاكمه مبارك وعياله واصحاب عياله بالشكل الرومانسى ده.............دى ثوره مفيش هزار فيها دى ثوره عشان الجوع والفقر وقله الكرامه مش ناس خرجت بعصايه الدولسى وبالبلالين واعلام الاهلى تقول لابو تريكه وبركات مايعتزلوش لاء دى ثوره جعانين يبقى الاحكام كلها ف الهجايص وانا مع البراءه بشكل قاطع ....عشان التهم (لبوه) واللبوه هنا مرات الاسد....مش تهم اسد بيخربش ويعوّر ويسيح دم ...ومع ذلك ...بقى لى ساعتين بشوف التجعير على الفيس والولوله والشتيمه وصفحات كلها من عينه حسن شحاته ياحبيبنا وحياه كريم ماتسيبنا ....وعشان خاطر حلاوتك انا بموت فى شوكتك وسكينتك ويووووووووووووووه...بطلوا بقى التعليم والثقافه افرزوا لنا عيال مشمومه وشمامين كوله وعربجيه مسكوا مناصب بتشكل وعى مصر...خلونا نبص فى التعليم والثقافه عشان نعرف نشوف حالنا ....تعالوا نشوف ليه بنكتب الادب ولمين بنكتب الادب تعالوا نعمل ثوره ثقافيه ترجع لمصر وشها الحقيقى...تعالوا نهاجم ونحارب ثقافه العربجيه وعواجيز الفرح ونوبتشيه الافراح والمنبطحين وعديمى النخوه والموهبه.............تعالوا نحترم نفسنا مره واحده فى حياتنا واللى خد حاجه مش بتاعته يرجعها لصاحبها وقتها القاتل حيبقى جوه السجن..............
